Á nýrri vefsíður Eflingar kemur fram að hópuppsögn á skrifstofu félagsins gæti numið 75 milljónum króna. Fréttablaðið greinir frá þessu í dag.
Póstur var sendur á félaga Eflingar í dag. Í honum segir að umræða sem hefur farið fram í fjölmiðlum síðustu vikuna hafi á köflum verið „mjög vanstillt og byggð á röngum eða ófullkomnum upplýsingum.“
Einnig kemur fram á vefsíðu Eflingar að breytingarnar séu nauðsynlegar og að það sé „tímabært að ráðast í breytingar á úreltum ráðningarkjörum.“
„Fremur en að handvelja eða semja við hvern og einn úr starfsmannahópnum er farin sú leið að auglýsa öll störf og hvetja starfsfólk til að sækja um,“ segir á síðunni. Sú leið er fagleg og skynsamleg, að mati Eflingar.
Markmiðið er ekki að lækka laun starfsfólks, heldur séu stöðugildum fækkað. Nýju launakerfi á að vera komið á, það kerfi á að vera gagnsærra. Það vekur þó athygli að neðar á síðunni segir að minnkun á launakostnaði til lengri tíma geti numið allt að 120 milljónum.
„Þótt hópuppsögn sé viðkvæmt mál þá hefur verið staðið rétt og löglega að henni og réttindi allra starfsmanna eru virt“ þegar spurt er um hópuppsögnina. Efling hefur gagnrýnt hópuppsagnir atvinnurekanda í tilvikum þar sem þær voru framkvæmdar til að koma sér hjá launahækkunum.
„Efling mun áfram bjóða sínu starfsfólki góð og sanngjörn kjör í fullu samræmi við kjarasamninga og þær breytingar sem uppsagnirnar eru liður í eru bæði nauðsynlegar og raunverulegar.“
Þá kemur einnig fram að þeim starfsmönnum sem var sagt upp var bent á að leita aðstoðar hjá Eflingu eða VR. „Starfsmönnum sem eru félagsmenn í Eflingu stendur til boða að fá sömu aðstoð og aðrir félagsmenn í sams konar tilviki hjá öðrum atvinnurekanda“.
Nú er einnig gerð sú krafa að allir starfsmenn Eflingar verði að geta talað bæði íslensku- og ensku. Það sé gert til þess að allir starfsmenn geti þjónað félagsmenn.
