Sigurjón Kjartansson, einn af eigendum framleiðslufyrirtækisins S800 ehf., sem sá um framleiðslu Áramótaskaupsins fór með rangt mál í færslur þar sem hann fór yfir framleiðsluferlið en færslunni var ætlað að kveða þær sögur í kútinn að hann færi með ósannindi í málinu.
Þetta kemur fram í frétt DV um málið en talsverð umræða hefur staðið yfir síðustu daga vegna Áramótaskaupsins en framleiðendur hans þar á meðal Sigurjón, eiga að hafa staðið í stappi við leikstjóra þess, Dóru Jóhannsdóttur.
Heimildingreindi frá því á laugardag að ýmsir erfiðleikar hefðu komið upp varðandi framleiðslu skaupsins á nýliðnu ári. Þannig hafi verið þrýst á atriði yrðu tekin upp í nýjum miðbæ á Selfossi, en Kristján Vilhelmsson, útgerðarmaður og einn stofnenda Samherja, á hlut í framleiðslufyrirtækinu S800 ehf. í gegnum fasteignaþróunarfélagið Sigtún sem er einmitt á bak við uppbyggingu nýs miðbæjar á Selfossi. Þá hefði falin fjárhagsáætlun orðið til þess að upp úr sauð.
Loks var vísað í skýrslu sem Dóra sendi rekstrarstjóra RÚV þar sem gerðar voru alvarlegar athugasemdir við hegðun yfirframleiðenda, framleiðenda og aðstoðarleikstjóra.
„Pressan að fara á Selfoss var mjög mikil frá fyrsta degi. Ekkert var hlustað á síendurteknar óskir leikstjóra um að fara ekki þangað í tökur og finna frekar aðrar lausnir á spítalarými til að missa ekki dýrmætan tökutíma í ferðalög. Af einungis 8 tökudögum eru 2-3 tímar í óþarfa ferðalög mjög dýr,“ sagði meðal annars í bréfi Dóru og kom enn fremur fram að svar starfsmanna framleiðslufyrirtækisins við neitunum hennar um að taka upp á Selfossi, hafi alltaf verið að að slíkt væri eindregin vilji Sigurjóns Kjartanssonar, yfirframleiðanda Skaupsins og helmingseiganda S800, sem framleiddi Skaupið.
Í samtali við Heimildina vísaði Sigurjón því alfarið á bug að pressa hafi verið um að taka upp efni á Selfossi og fór yfir málið frá sínum sjónarhóli.
Þegar umfjöllun Heimildarinnar kom út steig Sigurjón svo fram í færslu á Facebook og vildi leiðrétta nokkur atriði. „Mér er brigslað um að segja ósatt frá í grein sem hinn nýji miðill Heimildin setti frá sér í gær. Það tek ég nærri mér og vil þessvegna leyfa ykkur að fá smá innsýn í þetta mál,“ skrifaði Sigurjón og rakti síðan málið.
Meðal annars vildi hann leiðrétta misskilning, að hans sögn, um ráðningu Dóru sem leikstjóra. „ Önnur fullyrðing í þessari grein sem er ekki sannleikanum samkvæm er sú að leikstjórinn hafi verið ráðinn af RUV. Þannig var það ekki. RUV réð S800 til að framleiða Skaupið. Áður hafði þó átt sér stað samtal milli leikstjórans og dagskrárstjóra RUV um að hún tæki að sér að leikstýra þessu skaupi, en það var engu að síður sameiginleg ákvörðun milli aðila (S800 og RUV) að S800 réði téðan leikstjóra til verksins. Það virðist því sem eini heimildarmaður þessarar staðhæfingar sé leikstjórinn sjálf sem hefur haldið þessum misskilningi fram áður,“ skrifaði Sigurjón.
Í gærkvöldi birti RÚV síðan frétt þar sem málflutningur Sigurjóns var skotinn niður. Sagði Skarphéðinn Guðmundsson , dagskrárstjóri RÚV, segir það alltaf vera í höndum RÚV að velja leikstjóra og yfirhandritshöfund Skaupsins.
Hæg er að lesa ítarlega umfjöllun um málið á vefDv.is
