Segir Dag minna á róm­verskan harð­stjóra: „Caligula, eða Dagur C. Eggerts­son !“

Fyrr­verandi borgar­stjóri, Ólafur F. Magnús­son, segir að nú­verandi borgar­stjóri sé farinn að minna meira á róm­verskan harð­stjóra en lýð­ræðis­lega kjörinn borgar­stjóra.

„Einna helst Caligula, eða Dagur C. Eggerts­son !“ segir hann í at­huga­semd við færslu Vig­dísar Hauks­dóttur, borgar­stjórnar­full­trúa Mið­flokksins, á Face­book.

Vig­dís svarar þar segir Degi sem sagði í dag að hún hefði haft rangt fyrir sér um kostnað við breytingar á Óðin­s­torgi í mið­borg Reykja­víkur. Þær hafi kostað 60 milljónir en ekki hálfan milljarð eins og hún hélt fram.

Vig­dís segir Dag segja ó­satt og ekki það í fyrsta sinn og birtir með færslunni gagn­bókun sína í málinu.

„Hér er dylgjað út í eitt að venju. Eftir að ég settist í borgar­stjórn var talað um „Þing­holt, torgin þrjú“ þar sem um 300 milljónum átti að vera varið til þess að gera upp Baldurs­torg, Freyju­torg, og Óðin­s­torg. Þegar verk­efnið fór af stað og var kynnt fyrir kjörnum full­trúum og Reyk­víkingum öllum var öll á­hersla lögð Óðin­s­torg og Týs­götu að hluta,“ segir Vig­dís og segir alla hafa verið blekkta. Hún vísar svo til kynningar á verk­efninu.