Á Vísi í dag var í dag birtur skoðanapistill frá sálfræðingnum Gabríelu B. Ernudóttur, sem hún titlar „Meintur gerandi á dagskrá RÚV um páskana“.
Í pistlinum talar hún um vitundarvakninguna sem hefur átt sér stað í samfélaginu á síðustu árum, þar sem umburðarlyndi fyrirtækja og fólks fyrir ofbeldismönnum er ekki neitt.
Segir hún meðal annars: „ Hafa meintir gerendur hver af öðrum sagt sig úr stjórnum fyrirtækja og samtaka, og stigið til hliðar úr áberandi stöðum í samfélaginu og úr sviðsljósinu. Fólk er flest sammála um að samfélagið sé að breytast hratt þessa dagana og minni þolinmæði og umburðarlyndi sé gagnvart hegðun gerenda.“
Gabríelu finnst þá merkilegt hvað RÚV, sem er sjónvarp allra landsmanna skuli geta boðið þolendum upp á að meintur gerandi sé alla sunnudaga í sjónvarpinu og auglýstur allan daginn og veltir hún fyrir sér hvað þolendur eiga að þurfa að þola frá ríkisreknum miðli. Maðurinn sem um ræðir hefur verið ásakaður um kynferðisbrot gegn eigin barni.
„Er RÚV með þessu að samþykkja það að skömminni sé haldið að þolanda, barninu og þar með þolendum almennt á meðan meintur gerandi skemmtir þjóðinni? Spyr ég því hvers vegna RÚV tekur ekki afstöðu gegn ofbeldi eins og mikill hluti samfélagsins kýs sjálft almennt að gera þessa dagana?“
Pistilinn á Vísi má sjá í heild hér.
