Sakar KSÍ um sýndar­sið­ferði: Það má spila fótbolta í Katar en ekki pissa úti á götu

Sig Sig­mars­dóttir, pistla- og rit­höfundur, segir KSÍ taka þátt í sýndar­sið­ferði sam­tímast með því að setja Eið Smára í leyfi fyrir að pissa úti á götu. Fjallað var um málið ítar­lega í vikunni en Eiður Smári náðist á mynd­band í mið­borginni, aug­ljós­lega drukkinn, að létta á sér.

„KSÍ tekur þátt í sýndar­sið­ferði sam­tímans. Það má ekki pissa úti á götu. En það er í lagi að spila fót­bolta í Katar þar sem mann­réttindi eru höfð að engu. Það er í lagi að flagga styrktar­aðilanum Kók sem gengur gegn öllum hug­myndum um hollustu og hreysti. Engum var hótað at­vinnu­missi þegar kredit­kort KSÍ var notað í leyfis­leysi á nektar­stað í Sviss um árið,“ segir Sif í pistli sem var birtur í Frétta­blaðinu um helgina.

Þar fer Sif yfir nokkur dæmi þar sem að mönnum hefur verið út­skúfað eða misst vinnuna í kjöl­far þess að upp komst um ó­sæmi­lega hegðun þeirra í for­tíðinni. Hún líkir þessari út­skúfun við fallexi for­tíðarinnar.

„Sam­fé­lags­miðlar eru fall­öxi sam­tímans. Leiki minnsti grunur á að bærist með ein­stak­lingi hugsanir sem ganga gegn ríkjandi mál­stað bíður hans opin­ber af­taka. Olli­e Robin­son er ekki eina í­þrótta­stjarnan sem dæmd var úr leik í sið­ferðis­kapp­hlaupi sam­tímans í mánuðinum. Ný­verið fór mynd­band um sam­fé­lags­miðla þar sem Eiður Smári Guð­john­sen sést pissa á al­manna­færi. Sam­stundis bárust af því fréttir að starf Eiðs hjá Knatt­spyrnu­sam­bandi Ís­lands héngi á blá­þræði. Eiður hefur nú verið sendur í tíma­bundið leyfi,“ segir Sif.

Hún segir að þótt svo við fyrstu sýn sýnist KSÍ vera gera það rétta í stöðunni þá séu við­brögðin ef til vill heldur ekki holl.

„Rann­sókn sem gerð var við Stan­ford-há­skóla sýnir að þeir sem flagga mest and­stöðu sinni við ras­isma eru lík­legri til að sýna af sér rasíska hegðun. Í sál­fræði kallast fyrir­bærið „sið­ferðis­leyfi“ (e. mor­al licensing). Fólk sem telur sig góðar mann­eskjur finnst það hafa meira svig­rúm en aðrir til að sýna af sér slæma hegðun. Sama gildir um fyrir­tæki. Ný rann­sókn sýnir að hjá tækni­fyrir­tækjum í Banda­ríkjunum sem lýstu opin­ber­lega yfir stuðningi við „Black Lives Matter“-hreyfinguna unnu tuttugu prósentum færri svartir starfs­menn en hjá fyrir­tækjum sem gerðu það ekki,“ segir Sif í pistlinum sem er hægt að lesa hér í heild sinni.