Rósa Björk Brynjólfsdóttir, þingkona Samfylkingarinnar, segir að fjármálaráðherra, Bjarni Benediktsson, hafi kastað kaldri kosningatusku til heilbrigðisstarfsfólks í gær þegar hann sagði í fréttum á RÚV að það væri „óásættanlegt að heilbrigðiskerfið réði ekki við fjórðu bylgju faraldursins, þrátt fyrir að flestir séu bólusettir…að einstaka einingar í kerfinu virðist ekki vinna nógu vel saman og að framleiðni hafi ekki aukist samhliða aukinni fjármögnun og betri mönnun.“
Rósa Björk segir að ákall heilbrigðisstarfsfólk undanfarna mánuði, og í raun ár, hafi ekki farið fram hjá neinum og að bæði heilbrigðisstarfsfólk og forstjóri Landspítalans hafi svarað orðum hans.
„Mörg hundruð manns sem vinna baki brotnu við að sinna veikum og bjarga mannslífum hefur ítrekað komið fram og bent á mjög alvarlega stöðu og álag. Ástand sem hefur þyngst gríðarlega í Covid. Þó að heilbrigðisstarfsfólk hafi lagt allt sitt í baráttuna og meira til.“
Rósa vitna í orð Elínar Tryggvadóttur, hjúkrunarfræðings á bráðamóttöku, sem að segir Bjarna greinilega ekki hafa verið að hlusta á ákall heilbrigðisstarfsfólk undanfarin ár.
„Þú talar um að ef einn vagn á lestinni sé með bilaðan hjólabúnað geti hann dregið alla lestina niður á hraða. Þú ert sennilega að gefa í skyn að Landspítali sé bilaði vagninn en áttar þig ekki á því að það ert þú sem situr við stjórn í bilaða vagninum. Bilaði vagninn er eimreiðin sem á að knýja lestina áfram og ég vona að þú áttir þig á því fyrr en síðar,“ segir Elín.
Nánar má lesa um það á vef Fréttablaðsins.
