Það ríkir mikil óánægja með hið nýja CocoaPuffs, en í Facebook hópnum Nammitips hafa skapast eldheitar umræður um morgunkornið vinsæla.
Þann 24. maí var tilkynnt að Cocoa Puffs, hið sívinsæla morgunkorn sem hvarf úr hillum íslenskra verslana í ársbyrjun 2021, væri væntanlegt aftur í verslanir hér á landi á næstu dögum. Þetta vakti mikla gleði hjá Íslendingum, enda var morgunkornið ómissandi á flestum heimilum í landinu.
En annað hefur komið á daginn og eru alls ekki allir sáttir með hið nýja Cocoa Puffs. Einn netverji á hópnum Nammitips skrifar færslu um morgunkornið og segir: „Þetta voru vonbrigði dagsins þetta er svoooooo vont ojbara vil fá venjulegt cocoa puffs takk fyrir.“
Fjölmargir hafa svarað færslunni og lýsa yfir vonbrigðum sínum með nýja bragðið.
Einn svarar: „Get ég skilað og fengið endurgreitt, er alveg hræðilega vont !!“
Annar segir: „Við hjónin áttum til það gamla og gerðum samanburð og þetta er alls ekki eins þetta viðbjóður.“
„Viðbjóður,“ segir annar ósáttur netverji.
