Myndband sem virðist sýna íslenskt ungmenni kalla konu af erlendu bergi brotin kórónavírusinn og Hringbraut hefur undir höndum gengur nú manna á milli á samfélagsmiðlum. Það birtist meðal annars á samfélagsmiðlinum TikTok og er í dreifingu á Facebook hópnum BeautyTips.
Andlit stráksins er falið með svokölluðum broskalli. „Þú ert kórónavírusinn!“ kallar pilturinn ítrekað á konuna á ensku. „Nei, ég er góða fólkið. Ég er að yfirgefa Ísland....“ svarar konan honum þá. Andlit hennar er ekki falið.
Ekki liggja frekari upplýsingar fyrir um hver það er sem tók myndbandið eða hver það er sem á aðganginn á TikTok þar sem það er birt. Þar er meðal annars merkt myllumerkin #kórónavírusinn og #Kína. Notandinn kemur fram undir nafnleynd með notendanafnið Mhm_hmm.
Alþjóðaheilbrigðisstofnunin gaf út tilmæli í febrúar síðastliðnum um nafngift veirunnar. Þar var hún nefnd SARS-CoV-2 og veldur hinum svokallaða COVID-19 sjúkdómi. Í tilmælum stofnunarinnar er stranglega tekið fram að ekki skuli notast við staðarheiti eða landaheiti við nafngiftir veirunnar, til að forða því að fólk verði fyrir aðkasti vegna hennar.
