Mynd dagsins: „Mikið er ég nú glaður að hafa ekki hlustað á Gísla Martein“

Mynd dagsins kemur úr Vest­firskri átt, en Ís­firðingurinn Ragnar Sig­tryggs­son deildi mynd af snævi þöktum veg og þakkar lög­reglunni fyrir að hafa leyft bílum að vera lengur á nagla­dekkjum.

Á sama tíma skýtur hann létt á Gísla Marteinn Baldurs­son, sem er ötull tals­maður um bíl­lausan lífs­stíl.

„Mikið er ég nú glaður að hafa ekki hlustað á Gísla Martein og farið yfir á sumar­dekk. Naglarnir héldu mér á lífi í dag,“ segir Ragnar á Twitter og þakkar um leið lög­reglunni fyrir að virða til­veru­rétt fólks sem býr ekki í mið­bæ Reykja­víkur.

„Takk lög­reglan fyrir að virða til­veru­rétt okkar sem búum utan 101 og sýnið honum og að­stæðum okkar skilning.“

Einn Twitter notandi er ekki sáttur við þessa færslu frá Ragnari og segir: „Þú ert aaaað­eins að mis­skilja þessa um­ræðu. Hvernig getur lög­reglan upp á sitt eins­dæmi á­kveðið að fylgja ekki eftir lögum? Plús að nagla­dekkja­notkun í borginni er marg­falt meiri en hún ætti að vera miðað við þörf, sem bitnar á lífs­gæðum okkar sem þar búa.“

Sem Ragnar svarar: „Ég er alla­vega andandi og á lífi, ekki stein­dauður út í skurði meðan fjöl­skyldan fær fréttir af ó­tíma­bæru and­láti mínu - sætti mig við að mis­skilja þessar cher­n­obyl að­stæður ykkar á meðan.“

Mikið er ég nú glaður að hafa ekki hlustað á @gislimarteinn og farið yfir á sumardekk. Naglarnir héldu mér á lífi í dag.

Takk @logreglan fyrir að virða tilverurétt okkar sem búum utan 101 og sýnið honum og aðstæðum okkar skilning 🙏 pic.twitter.com/2Voi2qIWTr

— Ragnar H. Sigtryggsson (@RaggiHS) May 4, 2022