Lögreglan rannsakar nú hugsanlegt manndráp í austurbæ Reykjavíkur í kvöld.
Karlmaður á fimmtugsaldri fannst látinn og er talið að andlát hans hafi borið að með saknæmum hætti. Þetta segir Margeir Sveinsson, aðstoðaryfirlögregluþjónn í samtali við RÚV. Talið er að andlátið hafi borið að með saknæmum hætti og hefur karlmaður á þrítugsaldri verið handtekinn vegna málsins.
Samkvæmt heimildum Fréttablaðsins varð atburðurinn í heimahúsi í Vogunum í Reykjavík.
Von er á tilkynningu frá lögreglu.
