Martin Hermannsson, landsliðsmaður í körfubolta setti nýverið færslu á Twitter þar sem hann spyr sig hvort það sé eðlilegt að menn sem eru undir lögreglurannsókn vegna grófs kynferðisofbeldis séu í byrjunarliði í Bestu deildinni.
Hann nafngreinir engan í færslunni, en ætla má að hann sé að tala um Eggert Gunnþór Jónsson leikmann FH, en Eggert var ásakaður um kynferðisbrot sem hann er sagður hafa framið gagnvart konu ásamt Aroni Einari Gunnarssyni, eftir landsleik íslenska karlalandsliðsins í Danmörku árið 2010.
Í tilkynningu sem Eggert sendi frá sér vegna ásakananna sagði hann það vera „hrikalegt áfall að vera ásakaður um hræðilegt ofbeldisbrot“ og sagðist hann vera „fullkomlega saklaus“ af því sem hann var ásakaður um.
Twitter færsluna hans Martins má sjá hér.
Er eðlilegt að menn sem eru undir lögreglurannsókn vegna grófs kynferðisofbeldis séu í byrjunarliði í @bestadeildin ?
— Martin Hermannsson (@hermannsson15) April 18, 2022
