Margrét Kristmannsdóttir, framkvæmdastjóri Pfaff, þakkar ungum konum framgöngu þeirra í jafnréttisbaráttunni í nýjustu bakþönkum sínum í Fréttablaðinu í dag.
Hún segir að í það séu margar vörður á jafnréttisleiðinni og að ótrúlegt að ekki sé nema rúm öld síðan konur fengu jafn sjálfsögð mannréttindi og jafnan rétt til menntunar og kosningarétt.
Hún fer í stuttu máli yfir jafnréttisbaráttu síðustu aldar og segir að nýverið hafi konur af hennar kynslóð verið vaktar af vondum draumi þegar ungar konur hófu baráttuna á ný.
„En svarið var nei og við vorum vaktar upp af vondum draumi þegar ungar konur hófu af krafti á ný baráttu gegn kynbundnu ofbeldi í kjölfarið á #MeToo. Þolendaskömm og gerendameðvirkni skyldi aldrei líðast. Þessar ungu konur hafa hlaðið í risavörðu á undanförnum vikum og atburðarásin mun hafa varanleg áhrif. Við munum ekki síst fá öruggara og manneskjulegra samfélag,“ segir Margrét og bætir svo við:
„Takk stelpur – takk allar sem hafa varðað leiðina!“
