Kristrún Frostadóttir tilkynnti í dag á blaðamannafundi sem haldinn var í Iðnó að hún býður fram til formanns Samfylkingarinnar.
Komið hafði fram nú í júní síðastliðnum að Logi Einarsson myndi ekki gefa kost á sér og nýlega tilkynnti Dagur B. Eggertsson að hann myndi heldur ekki stíga fram.
Kristrún segir að í samtölum sínum víðsvegar um landið hafi komið í ljós að hægt sé að stýra landinu betur
„Fólkið veit að við getum gert betur. Fólkið veit að við getum tekist á við stórar samfélagslegar áskoranir saman.“
Nánar er fjallað um framboðstilkynninguna á vef Fréttablaðsins.
