Kristín Soffía Jónsdóttir, borgarfulltrúi Samfylkingarinnar og ein þeirra sem sat í uppstillinganefnd Samfylkingarinnar fyrir alþingiskosningarnar í haust, telur að prófkjör sé betri leið til að raða á lista
Hún sat nú í annað sinn í uppstillinganefnd þrátt fyrir að styðja ekki þessa leið. Hún segir að ferlið hafi ekki gengið áfallalaust og að henni finnist fyndið að talsfólk uppstillinga telji prófkjör ala á sundrung og illindum.
Listarnir í Reykjavíkurkjördæmunum voru samþykktir í gær. Helga Vala Helgadóttir, þingmaður, skipar fyrsta sæti í Reykjavíkurkjördæmi norður, Jóhann Páll Jóhannsson, blaðamaður, tekur annað sæti, Dagbjört Hákonardóttir, lögfræðingur, tekur þriðja sæti, Magnús Árni Skjöld, dósent, tekur hið fjórða, og Ragna Sigurðardóttir, forseti UJ, tekur fimmta sæti.
Kristrún Mjöll Frostadóttir, hagfræðingur, mun síðan skipa fyrsta sæti í Reykjavíkurkjördæmi norður, Rósa Björk Brynjólfsdóttir, alþingismaður, skipar annað sæti, Viðar Eggertsson, leikstjóri, tekur þriðja sætið, Vilborg Oddsdóttir, félagsráðgjafi, tekur hið fjórða, og Birgir Þórarinsson, tónlistarmaður, tekur fimmta.
Vífill Sigurðsson spyr Kristínu hvort það sé ekki eitthvað rangt við að taka „flóttakonu“ úr VG fram fyrir varaþingmann flokksins til margra ára og á þá við Rósu Björk Brynjólfsdóttur.
Kristín svarar því og segir að það sé líklega ekki hægt að beita rétt eða rangt kvarða á slíkar ákvarðanir.
„Enginn veit neitt og allir eru að gera sitt besta. Og hverju erum við að breyta ef allir eiga að geta gengið að “sínum” sætum vísum?“
Ég tel prófkjör bestu leiðina til að velja á framboðslista. Núna sat ég í uppstillinganefnd í annað sinn, þrátt fyrir að hafa ekki stutt þessa leið. Þetta gekk ekki átakalaust. Fyndnast er að talsfólk uppstillingar segir prófkjör ala á sundrung og illindum.
— Kristín Soffía (@KristinSoffia) February 14, 2021
