Grínistinn og fyrrum stjórnmálamaðurinn Jón Gnarr skrifar fallega færslu um leikkonuna Helgu Brögu Jónsdóttur á Twitter þar sem hann segist elska leikkonuna en líka persónuna.
Með færslunni birtir Jón mynd af Helgu í tökum fyrir Áramótaskaupið.
„ég elska þessa konu svo mikið. auðvitað leikkonuna en ekki síður týpuna. fékk taugaáfall í morgun og náði rétt að klína framan í sig en sleppti hárinu, skutlaði sér í blómablússu og vesti sem passar við allt yfir. alltaf hress og kát en samt alveg alltaf líka á barmi sturlunar,“ skrifar Jón við myndina.
Kveðjan hitti í mark þar sem Helga deildi færslunni og þakkaði fyrir fallega orðsendingu.
Takk elsku besti @Jon_Gnarr https://t.co/7tqxG5azx7
— Helga Braga Jons (@HelgaJonsdott) January 7, 2023
