Illugi: „Hvaða rugl er þetta?“ – Glúmur: „Nú tókst mér að gera allt vit­­laust“

Illugi Jökuls­son var allt annað en sáttur með færslu Glúms Bald­vins­sonar um Sam­herja og RÚV á þriðjudag.

„Nú verð ég seint sakaður um vin­áttu og hollustu í garð Sam­herja. Og skil reyndar ekki af hverju ekkert er enn að frétta af rann­­sókn á meintum glæpum þeirra í Afríku og víðar. En ég get ekki tekið undir væl blaða­manna þess efnis að lög­reglan megi ekki yfir­­heyra þá vegna meints glæps gagn­vart skip­­stjóra fyrir­­­tækisins,“ skrifaði Glúmur á Face­book.

„RÚV virðist gera upp á milli og taka af­­stöðu í því máli. Kallar til dæmis annan aðila málsins í við­­tal í kvöld en ekki hinn. Má ég minna RÚV á að miðillinn á að vera frétta­miðill en ekki á­róðursmiðill. Allra lands­manna. Og hlut­­leysi er kjarninn í frétta­­mennsku. Við eigum kröfu á hendur al­vöru frétta­­miðli að hann greini frá öllum hliðum máls. Þeim þar í Efsta virðist fyrir­­munað að fatta þetta. Og þar með halda þeir sem þar ráða á­­fram að grafa sér gröf. Á þinn kostnað,“ bætir Glúmur við.

Illugi Jökuls­son svarar Glúmi í at­huga­semdum og spyr hann hvað gangi á eigin­lega.

„Hvaða rugl er þetta? Við­talið snerist um skoðanir blaða­­mannsins á til­­­teknu máli og þá á­­kvörðun að fara með það til MDE. Hefðirðu grætt voða mikið á að hafa Brynjar Níels­­son í settinu?“ skrifar Illugi.

Glúmur svarar honum á þá leið að hann hefði boðið skip­stjóranum Páli Stein­gríms­syni í við­tal og svarar Illugi þá með: „Drottinn minn dýri, Glúmur!“