Meðlimir í hópnum Íbúar í Miðborg vilja leggja bann á að rútur keyri um miðbæinn. Miklar umræður hafa myndast um bílaumferð í miðbæ Reykjavíkur í kjölfar banaslyss sem átti sér stað á Barónsstíg í gærkvöldi.
„Er ekki kominn tími til að túristarútur hætti að keyra Baronstíginn (og annarsstaðar í miðbænum)? Þarna er Austurbæjaskóli og Sundhöllinn með töluverðri umferð barna,“ segir Eysteinn Már og heldur áfram:
„Ég hef aldrei skilið afhverju það þarf að sækja túrista upp að dyrum í stað þess að þeir fari niður á BSI eða taki strætó eins og aðrir. Mér dettur t.d. í hug mjög skrítið ástand á hverjum degi við Hallgrímskirkju á móti Grænuborg þar sem röð af rútum troða sér á bílastæðið á sama tíma að taka upp túrista,“ segir Eysteinn.
Addi Ljós segir: „Sammála … bý á horni hverfisgötu og barónsstíg og nánast daglega er ég ad horfa rútur Gera umferdarmistök á thessu horni. Stórhættulegt!“
Þá telja nokkrir meðlimir hópsins að það þurfi að hafa meira eftirlit með ökumönnum rafhlaupahjóla. „Er ekki kominn tími til þess að fólk á leigu hlaupa hjólunum fari varlega, verð oft var við að þau þjóti yfir götur og gatnamót án þess að skoða hvort sé umferð,“ segir einn.
