Hrefna: „Mikið rosa­lega er ég reið“ – Gekk fram­hjá og sparkaði í dýrið

Hrefnu Thom­sen Árna­dóttur er reið og sár eftir at­vik við Reyni­svatn í Grafar­holti um há­degis­bilið í gær. Hrefna fer reglu­lega í göngu­ferðir um svæðið með hundinn sinn Grímsa en í gær varð hún vitni að mikilli mann­vonsku þegar ó­kunnugur maður sparkaði í hundinn að á­stæðu­lausu. Tveggja ára dóttir Hrefnu var með í för og varð vitni að atvikinu.

Hrefna vakti at­hygli á málinu á Hunda­sam­fé­laginu á Face­book í gær og er ó­hætt að segja að færslan hafi vakið mikla at­hygli. Hún veitti Hring­braut góð­fús­legt leyfi til að fjalla um málið.

Hrefna segir að Grímsi sé al­gjört gull, vel upp alinn og með góða skap­gerð. At­vikið sem um ræðir varð um klukkan 12:30 í há­deginu í gær og segir Hrefna að þau hafi verið við Reyni­svatn þegar hún sá göngu­hóp koma að­vífandi á móti þeim.

Grímsi var þarna ný­búinn að gera þarfir sínar og segir Hrefna að hún hafi kallað á hann og látið hann setjast við hliðina á henni meðan hún þreif upp eftir hann. Það sem gerðist næst rennur Hrefnu lík­lega seint úr minni.

Um það leyti sem hópurinn gekk fram­hjá segir Hrefna að maður í hópnum hafi tekið sig til og sparkað í hausinn á Grímsa. „Ég hef aldrei heyrt annað eins hljóð frá hundi, hann grét svo,“ segir Hrefna sem brást ó­kvæða við, eðli málsins sam­kvæmt. Hún hafi spurt manninn hvað honum gengi til og hann svarað því að „þessir hel­vítis hundar mígi og skíti“ út um allt.

„Ég var ekki beint kurteis þegar ég spurði hann hvort mamma hans og pabbi væru syst­kin og hvort hann væri kross­þroska­heftur!“ Hefna segir að kona mannsins hafi komið að og sagt við hana að hann þoldi ein­fald­lega ekki hunda.

„Ég spurði hvort það gæfi honum það leyfi að sparka í hausinn á hundinum mínum og spurði hann að því hvort hann væri svo mikill aumingi að hann sparkar í sak­laus dýr og þarf síðan að fá kellinguna sína til að verja sig því hann er gjör­sam­lega pung­laus! Mikið rosa­lega er ég reið!!“

Hrefna segir að sem betur fer sé í lagi með Grímsa þó honum hafi vissu­lega verið brugðið eftir upp­á­komuna. Færsla Hrefnu hefur vakið mikla at­hygli í Hunda­sam­fé­laginu og segir margir að um sé að ræða dýra­níð af verstu sort.