Hákon spyr af hverju enginn er að skoða þennan mögu­­leika til að bjarga Suður­stranda­vegi

Hákon Árna­son, húsa­smiður, spyr af hverju sé ekki verið að tala um að hefta fram­göngu hraunsins þar sem það mu hugsan­lega fara að renna alla leiðina niður að Suður­stranda­vegi.

„Er að furða mig á því af hverju ekki hefur heyrst neitt um þann mögu­leika að beita sjó­kælingu til að hefta fram­göngu á hrauninu í Mera­dölum sem hugsan­lega er að fara að renna alla leiðina niður að Suður­stranda­vegi og þaðan hugsan­lega í sjó fram,“ skrifar Hákon á Vísi.

„Man ekki betur en að höfninni í Vest­manna­eyjum hafi verið bjargað ein­mitt með þeirri að­ferð að dæla sjó á hraunið og hefta fram­göngu þess, þar sem sagan segir eins og ég heyrði hana að lík­legast hefði hraunið að öllum líkindum lokað höfninni ef ekki hefði verið gripið til þeirra að­gerða með að­stoð ameríska varnar­liðsins sem lagði okkur til sínar stærstu vatns(sjó) dælur,“ heldur Hákon á­fram.

„Spurningin er hvort að það væri ekki væn­legur kostur þegar og ef hraunið komið ofan við Suður­stranda­veginn sé það komið það ná­lægt sjónum að til­tölu­lega stutt verður að dæla sjónum á svæðið til kælingar.“

Hákon segist ekki gefa sig út fyrir að vera sér­fræðingur í málinu.

„En mundi telja að við kælingu á framjaðrinum mundi kælda hraunið hlaðast upp og halda við hraunið líkt og svo­kölluðum leiði görðum er ætlað að gera og sé hugsan­lega skil­virkari bar­átta við að hemja náttúru­öflin en varnar­garðar.“

„Og að auki hægt væri að grípa til hennar með styttri fyrir­vara og með væntan­lega minni til­kostnaði þegar og ef það stefnir í að hraunið ógni mann­virkjum og þá er væntan­lega bara verið að tala um veginn og þá litlu byggð neðan við það svæði.“

„En eins og ég segi þá er ég ekki sér­fræðingur í þessum málum en þó er þetta spurning sem vert væri að reyna að fá svör við og tala við þá aðila sem komu að sjó­kælingunni í Vest­manna­eyjum sem að mér minnir að hafi verið stýrt af verk­fræðingum og öðrum þar til bærum aðilum,“ skrifar Hákon.

Hann á­ætlar að miklu stærri og öflugri tæki og búnaður til verksins séu í boði heldur en voru til í landinu í Vest­mann­eyja­gosinu.

„Til­tölu­lega auð­velt væri að gera litlar til­raunir á hrauninu þar sem það rennur núna til að átta sig á hvernig best væri að beita þessari tækni eða þá fá niður­stöðu um það hvort að þetta væri ein­hver kostur yfir­leitt,“ skrifar Hákon að lokum.