Guð­mundur Felix tekst á við nýja á­skorun: „Þetta ár sem er að koma núna er væntan­lega eitt mikil­vægasta árið í mínu lífi“

Guð­mundur Felix Grétars­son, var gestur í morgun­þættinum Ís­land vaknar á K100 í morgun en þar ræddi endur­hæfingu sína og nýjar á­skoranir sem hann ætlar að taka að sér í ár.

Þjóðin hefur fylt Guð­mundi eftir síðast­liðinn ár síðan hann fékk græddar á sig nýjar hendur í Frakk­landi.

Í sam­tali við K100 segir Guð­mundur að hann sé kominn með til­finningu alls staðar og á­gætis­grip hægra megin. „En ég er ekki að ná að hreyfa einn fingur í einu al­menni­lega, og eitt­hvað svo­leiðis,“ segir Guð­mundur.

Hann ætlar engu að síðar að fara í heldur betur stóra á­skorun á árinu og ætlar að ganga upp Mont Blanc sem er hátt í 5 þúsund metrar á hæð.

„Við ætlum að skrölta upp á Mont Blanc. Í rauninni er á­stæðan sú að þetta ár sem er að koma núna er væntan­lega eitt mikil­vægasta árið í mínu lífi fram að þessu. Vegna þess að það er svona vöxtur og fram­þróun í þessu, hafa þeir út frá þeim hand­ígræðslum sem þeir hafa gert þá eru svona þrjú ár sem má búast við fram­þróun,“ segir Guð­mundur sem ætlar þó ekki að klifra neitt.

Hlustaðu á við­talið hér.