Gríðar­legur verð­munur á jóla­trjám – sjáðu hvar ó­dýrustu trén fást

Mann­líf tók saman verð­mun á jóla­trjám á Ís­landi og er allt að 107 prósentu munur er á dýrasta og ó­dýrasta jóla­trénu. Fjöl­miðilinn bar saman verð á Nor­manns­þin, sem er ein al­gengasta tegundin á heimilum lands­manna.

„Iceland Engi­hjalla býður ein­göngu upp á stærð 160-200 cm og eru þeir í öllum til­fellum ó­dýrastir ef við miðum við stærðar­flokka 151-200 cm og 175-200 cm. Garð­heimar eru 107 prósent dýrari en Iceland Engi­hjalla. Niður­staðan þar er 8250 krónur á móti 3990 krónum. Kaupandinn getur þannig sparað sér rúmar 4000 krónur. Það munar um minna. Fólki skal þó bent á að fram­boð kann að vera tak­markað,“ segir í verð­könnun Mann­lífs.

Jóla­tré af stærðinni 125-150 cm er 50 prósent dýrara í Byko en Ikea. Verðið er 5995 krónur á móti 3990 krónum. Í stærð 150-175 m þá er Byko dýrast en Bau­haus ó­dýrast. Munurinn er 40 prósent.

Mis­munandi stærðar­flokkar eru milli verslana en Garð­heimar og Blóma­val miða við svipaðar stærðir og eins Byko og Ikea.

Bau­haus býður að­eins upp á tvær stærðir og Iceland Engi­hjalla er með eina stærð. Blóma­val er í flestum til­fellum ó­dýrari en Garð­heimar og Ikea er í öllum til­fellum ó­dýrara en Byko.

Verð miðast við 15.desember 2022

Verð­könnun Mann­lífs.