„Ekki vera fáviti,“ segir Kolbrún Jóhannsdóttir í innleggi á Facebookhópinn tenerife tips.
Hún segist hafa séð til íslenskrar fjölskyldu sem var stödd á amerísku ströndinni, þar sem móðirin var sauðdrukkin og pabbinn slafrandi að rífa kjaft við leigubílakall.
„Eldra barnið grátandi, tvö yngri gerðu sitt besta í að halda mömmunni uppi,“ skrifar Kolbrún og biðlar að lokum til fólks að skilja börnin sín eftir heima ef foreldrar geta ekki hagað sér. „Ekki góðar minningar fyrir börnin.“
Fólk í kommentakerfinu er ekki sátt með þessa hegðun foreldrana og láta vita af reiði sinni.
Íris Rut segir: Elsku börnin. vona innilega að foreldrarnir sjái þetta hér og taki sig verulega á!!
Rakel Lilja segir að áfengisneysla foreldra og börn eigi aldrei samleið.
Þegar þessi frétt er skrifuð hefur færslunni verið eytt úr hópnum.
