For­seta­fram­bjóðandi á von á barni

Gleðifregnir hafa borist frá einum forsetaframbjóðenda. For­seta­fram­bjóðandinn Axel Pétur Axels­son á von á barni. Hann greinir frá þessu í um­mæla­kerfinu hjá Visi sem birti í dag nær­mynd af þeim fimm for­seta­fram­bjóð­endum sem gera at­lögu að sæti Guðna.

Þar er tekið fram að Axel, sem er sjálf­titlaður þjóð­fé­lags­verk­fræðingur, sé fjögurra barna faðir. Axel sagðist í apríl síðast­liðnum til að mynda ætla að reka ríkis­stjórnina, þegar hann til­kynnti fram­boð í sam­tali við Frétta­blaðið.

Axel er því í hópi með Guðna Th. Jóhannes­­syni, sitjandi for­­seta, Guð­­mundi Frank­lín Jóns­­syni, Arn­grími Frið­rik Pálma­­syni, Kristjáni Erni Elías­syni og Magnúsi Ing­berg Jóns­syni, sem allir hafa til­kynnt fram­boð.

Ljóst er þó að Axel á ekki fjögur börn líkt og fram kemur í þeirri um­fjöllun heldur fimm. Þetta bendir hann sjálfur á í um­mælum fyrir neðan greinina, eins og hans er háttur á. Þá segist hann jafn­framt vera með eitt á leiðinni.

„Takk fyrir góða grein,“ skrifar Axel. „Ég býð alla fram­bjóð­endur vel­komna í slaginn og hef mikinn á­huga á að vita hvað þeir eru að pæla...vonandi brýtur þessi grein þagna­múrinn...ps. ég á fimm börn og eitt á leiðinni,“ skrifar for­seta­fram­bjóðandinn og lætur bros­kall fylgja.