For­maður Ungra jafnaðar­manna skýtur föstum skotum að Ágústi Ólafi

Ragna Sigurðar­dóttir, for­maður Ungra jafnaðar­manna, skýtur föstum skotum að sam­flokks­manni sínum, þing­manninum Ágústi Ólafi Ágústs­syni á sam­fé­lags­miðlinum Twitter vegna á­sakana á hendur honum um kven­fyrir­litningu í garð Katrínar Jakobs­dóttur.

Vísar Ragna þar í frétt Frétta­blaðsins af því að Ágúst hafi í dag beðist af­sökunar vegna um­mæla sinna í út­varps­þættinum Sprengi­sandi um helgina. Þar sagði hann ríkis­stjórnina vera ríkis­stjórn Bjarna Bene­dikts­sonar, fjár­mála­ráð­herra, en ekki Katrínar Jakobs­dóttur, for­sætis­ráð­herra.

Sökuðu í kjöl­farið Líf Magneu­dóttir, borgar­full­trúi VG og Svan­dís Svavars­dóttir, heil­brigðis­ráð­herra, þing­manninn um kven­fyrir­litningu. Sagði Svan­dís hann raunar sýna af sér „botn­lausa kven­fyrir­litningu og það ekki í fyrsta skiptið.“

Ragna ber ekki blak af Ágústi á Twitter þrátt fyrir að þau sé sam­flokks­menn. „Svona eiga þing­menn ekki að tala. Gott og gilt að biðjast af­­sökunar en um­mælin minna ó­neitan­lega á þá kyn­ferðis­legu á­reitni sem þing­maðurinn sýndi af sér og lé­leg við­brögð hans í kjöl­far opin­berunar hennar.“

Þar vísar Ragna til þess þegar Ágúst greindi sjálfur frá því á Face­book í desember 2018 að trúnaðar­nefnd Sam­fylkingarinnar hefði á­minnt hann fyrir á­reiti í garð konu. Sagðist hann þá hafa í tví­­­gang spurt konuna hvort hann mætti kyssa hana, en fengið neitun. Hafi hann þá brugðist ó­­­kvæða við og látið særandi orð falla. Fór hann í tveggja mánaða leyfi í kjöl­farið.

Steig konan, Bára Hulda Beck, blaða­maður á Kjarnanum, fram í kjöl­farið, upp­lýsti að það hefði verið hún sem um hefði verið að ræðaí pistli á Kjarnanum og sakaði hún þing­manninn um að hafa gert lítið úr á­reitinu. Hafi hún því séð sig knúna til að tjá sig um málið og greina frá rang­­færslum hans.

„Ágúst Ólafur reyndi ekki að kyssa mig tví­­­vegis heldur í­trek­að. Hann reyndi það aftur og aftur þrátt fyrir að ég hefði neitað honum og sett skýr mörk. Í hvert sinn sem ég neit­aði honum þá nið­ur­lægði hann mig með ýmsum hætti,“ skrifaði Bára Huld um málið sem Ragna rifjar upp.