Hundruð ferðamanna eru enn fastir í flugstöðinni í Keflavík og komast hvergi. Fjöldinn allur hefur látið í sér heyra á samfélagsmiðlum og ljóst að gífurlega margir eru ósáttir.
Eins og fram hefur komið er Reykjanesbrautin enn lokuð vegna veðursins. Staðan verður tekin á hádegi en enn er mikil truflun á flugferðum til og frá Íslandi.
Fjöldi færslna um ástandið á Keflavíkurflugvelli má finna á Twitter. Einn deilir myndbandi af ferðalöngum á vellinum.
„Svona „sjá þau um“ farþegana sína. Algjörlega engin hjálp. 24 tímar á ísköldum flugvelli,“ skrifar einn ferðamanna og birtir myndband þar sem má sjá fólk sofa á gólfinu á flugstöðinni. Annar deilir myndbandinu og segist munu lögsækja einhvern vegna þessa.
Ferðamaður að nafni Shahab Saqib segir lífsreynsluna hafa verið þá verstu sem hann hafi upplifað. Vandræðin hafi ekki hlotist af veðrinu heldur viðbrögðum Icelandair.
„Ég hef sagt þeim aftur og aftur að þau lúta reglum ESB og þurfa að veita farþegum mat, ferð og hótel. Það er ekkert svar og öllum er sama,“ segir Shahab sem birtir langan þráð þar sem hann lýsir því hve ósáttur hann er.
Ferðalangur að nafni Sharon Ronan Duggan merkir ferðamálastofu og Icelandair í tísti sínu og segist gáttuð á meðferðinni. „Við erum skilin eftir á köldum flugvelli, enginn matur, ekkert vatn og engin teppi og sjáum fram á aðra nótt af hreinum pyntingum. Ég mun aldrei koma aftur til landsins ykkar og mun segja vinum mínum að heimsækja ykkur ekki!“
Þá segist ferðamaður að nafni Lauren eiga erfitt með að trúa því að það taki heila tvo daga að ryðja Reykjanesbrautina. „Við erum föst í Reykjavík og komumst ekki á flugvöllinn. Við erum núna fangar í þessu ömurlega landi.“
This may have been one of the worst experiences of my life traveling with @Icelandair. Hundreds, if not thousand, are stranded at ReykJavik airport due to incompetency of IcelandAir management. It is not the storm, it is how you managed it which is a problem 👇 pic.twitter.com/v2RHNXox3B
— Shahab Saqib (@sufi_shahab) December 20, 2022
@ferdamalastofa @Icelandair have to say your national airline really knows how to treat its deserted passengers left In a cold airport,no food water or blankets and facing another night of pure torture.will never return to your country,and will be telling my friends not to visit!
— Sharon Ronan Duggan (@SharonRonanDugg) December 20, 2022
Hægt er að lesa meira hér.
