Tónlistarmaðurinn Eyþór Ingi var gestur í morgunþættingum Ísland vaknar í gærmorgun og rifjaði þar upp skemmtilegar uppákomur sem hann hefur lent í vegna athyglisbrests.
Hann rifjaði upp nokkrar skemmtilegar sögur í tengslum við athyglisbrestinn í þættinum en í einni þeirra gleymdi hann jakkafötunum sínum uppi á biðskylduskilti.
„Það var einfaldlega þannig að ég gat ekki talað í símann og haldið á jakkafötunum mínum á sama tíma og tekið á móti leigubíl. Þannig að þegar leigubíllinn kom þá varð ég annað hvort að skella á eða leggja frá mér jakkafötin. Sem ég gerði. Sem ég hengdi upp á biðskyldu. Ég veit ekki til hvers,“ sagði Eyþór í morgunþættinum en jakkafötin urður eftir.
Í þættinum má heyra Eyþór segja fleiri sögur um vandræði sín þar sem athyglisbresturinn kemur við sögu.
Eyþór var að kynna hátíðartónleika sína sem verða haldnir víða um land í desember. Á tónleikunum blandar Eyþór sögum, gríni og tónlist.
„Það er klárt mál að ADHD hefur aldrei verið skemmtilegra,“ segir í kynningunni á tónleikunum en Eyþór segir að sú setning hafi komið frá tónleikagesti en sjálfum finnst honum hún mjög lýsandi yfir stemninguna
Hægt er að horfa á viðtalið hér.
