Enginn greindist smitaður innanlands eða á landamærunum samkvæmt bráðabirgðatölum frá almannavarnadeild ríkislögreglustjóra. Tölur verða ekki uppfærðar á covid.is fyrr en eftir hvítasunnuhelgina, það er á þriðjudag.
Þá taka gildi ýmsar tilslakanir sem heilbrigðisráðherra tilkynnti um í gær. 150 mega koma saman í stað 50 og grímuskyldu verður aflétt í verslunum. Þá lengist opnunartími til 23 á veitingastöðum.
