Dómsmálaráðherra biðst afsökunar á ummælum sínum: „Það var ekki rétt af mér í ræðustól Alþingis að vitna til orðróms“

Jón Gunnars­son dóms­mála­ráð­herra hefur beðist af­sökunar á að hafa á­sakað þing­menn minni­hlutans og nefnda Al­þingis um að þiggja mútur vegna veitingu ríkis­borgara­réttar. Þetta segir hann á Face­book-síðu sinni.

„Það var ekki rétt af mér í ræðu­stól Al­þingis að vitna til orð­róms sem hefur verið í gangi – enda hef ég ekki lagt slíkt í vana minn. Í ræðu minni á þingi vísaði ég til þess orð­róms sem hefur verið á kreiki um að til­tekinn þing­maður hafi greitt at­kvæði um um­sóknir um ríkis­borgara­rétt handa ein­stak­lingum sem hann hafði sinnt hags­muna­gæslu fyrir. Þá hafi þing­maður hugsan­lega í ein­hverju til­viki þegið þakk­lætis­vott fyrir að­komu sína að af­greiðslu mála,“ segir Jón á Face­book.

Hann segir að hafi á­varpað þennan orð­róm, þar sem um al­var­legt mál væri að ræða ef rétt reynist.

„Það hvarflaði hins vegar ekki að mér að á­saka neinn um að hafa þegið mútur og mér þykir leitt að ég hafi ekki orðað þann hluta ræðu minnar nægi­lega skýrt. Með engum hætti vil ég saka þing­menn um mútu­þægni,“ segir Jón.