Bólusetja nú af handahófi innan forgangshópa en ekki eftir aldri

Sótt­varna­læknir, Þór­ólfur Guðna­son, hefur á­kveðið að fram­kvæma bólu­setninguna héðan í frá með til­viljunar­kenndum hætti innan hvers for­gangs­hóps í stað þess að boða við­komandi ein­stak­linga eftir aldri.Það gerir hann með til­liti til upp­lýsinga úr líkani Ís­lenskrar erfða­greiningar um árangur bólu­setninga miðað við mis­munandi nálgun. Frá þessu er greint í tilkynningu frá ráðuneytinu.

Þar kemur einnig fram að þetta verði gert til að bólu­setja á­hættu­hópa sem fyrst en ná sam­hliða bólu­setningu þvert á aldurs­hópa og ná þannig fyrr mark­miði um hjarðó­næmi í sam­fé­laginu.

Nú eru um 51.000 ein­staklingar full­bólu­settir gegn CO­VID-19 og um 140.000 hafa fengið að minnsta kosti einn skammt af bólu­efni, sem er sam­kvæmt til­kynningu frá heil­brigðis­ráðu­neytinu, 48 prósent af þeim sem á­ætlað er að bólu­setja.

Til­kynning ráðu­neytisins er hér