„Vissuð þið að norskar kýr gefa um það bil 50% meiri mjólk af sér en íslenskar? Það væri sem sagt hægt að vera með þriðjungi færri kýr til að framleiða sama magn af mjólk ef við færum sömu leið og helstu samanburðarrík,“ skrifar Björn Leví Gunnarsson þingmaður Pírata á Facebook í dag.
„En þið vitið, útlenskar kýr sko. Til þess að það sé hægt þá þarf að breyta lögum um útlendinga til þess að herma eftir Norðmönnum og Dönum ...
Ég er viss um að það er brandari þarna einhvers staðar en ég er bara ekki grínisti. Mér finnst í alvörunni sérstakt að velja verri kostinn bara af því að hann er íslenskur þegar aðrir geta betur. Það kallast sóun,“ skrifar Björn Leví að lokum.
