Björn Ingi með Co­vid: „Ég hélt að það kæmi ekkert að því hjá mér“

„Já ég er kominn með Co­vid. Ég er bara með smá hósta og haus­verk, en ekkert eitt­hvað stór­vægi­legt, en ein­kenni og tvö strik,“ segir Björn Ingi Hrafns­son, rit­stjóri Viljans.

Björn Ingi var sjálfur dug­legur að mæta á upp­lýsinga­fundi þrí­eykisins svo kallaða og spyrja um allt sem tengist Co­vid veirunni. Sjálfur hafði hann aldrei fengið veiruna og hélt hann að hann myndi sleppa við veiruna skæðu.

„Ég hélt að það kæmi ekkert að því hjá mér. Ég er búinn að vera með börn í ein­angrun og hef sjálfur aldrei fengið þetta, maður verður svo­lítið undrandi þegar það kemur að þessu en það geta allir lent í þessu,“ segir Björn.

Björn segir að núna þurfi hann að finna sér ein­hverja góða þætti til að horfa á á meðan hann bíði þetta af sér. Hann býst hins vegar ekki við að fá matar­sendingar og annað upp að dyrum.

„Maður þarf að breyta öllu og af­bóka ein­hverja fundi og finna sér eitt­hvað gott að horfa á og bíða þetta af sér. Þetta er svona skrítið, vegna þess að þegar þetta gekk sem mest þá var fólk að fá osta­körfur og glaðninga fyrir framan hurðina, en nú er enginn að kippa sér upp við þetta,“ segir Björn og hlær. „Það er að­eins minni stemning fyrir þessu.“

„Maður er búinn að vera ná­lægt þessu svo oft áður en alltaf sloppið, svo núna þegar maður á ekki von á því þá kemur þetta,“ segir Björn.