Bjarni Benediktsson fjármálaráðherra svaraði færslu Helga Seljan á Twitter og gagnrýndi þar blaðamenn sem búa til heimskulegar fyrirsagnir sem hann segir vera uppspuna.
„Ég sagði aldrei heimskulegt að mæla fylgi. Svo dreifa menn uppspunanum. Ég klóra mér í skegginu og hugsa: af hverju gera menn þetta? Fyrir smelli?“ sagði Bjarni á Twitter.
Góður húmor. Ég hef gaman af húmor. Ég hef lítinn húmor fyrir því hins vegar þegar blaðamenn búa til fyrirsagnir sem eru uppspuni. Ég sagði aldrei heimskulegt að mæla fylgi. Svo dreifa menn uppspunanum. Ég klóra mér í skegginu og hugsa: af hverju gera menn þetta? Fyrir smelli?
— Bjarni Benediktsson (@Bjarni_Ben) April 28, 2022
Í gær var Bjarni í viðtali við Lindu Blöndal á Hringbraut þar sem hann var spurður út í nýjustu kannanir varðandi fylgi flokkana. Viðtalið var birt á Fréttablaðinu.
„Mér finnst þetta heimskuleg nálgun að reyna reikna þingsæti þegar það er ekki eitt ár frá kosningum. Það eru þrjú ár í kosningar. Að reyna reikna þingsæti og segja að einhver hafi tapað þingsætum, við höfum engum þingsætum tapað, við erum bara með þau öll og verðum með þau í þrjú ár í viðbót.“
Viðtalið í heild sinni má sjá hér og einnig hér fyrir neðan. Viðtalið við Bjarna hefst á 05:15.
