Bjarni og Guðlaugur mætast í kvöld: „Ég óttast ekki neitt“

Bjarni Bene­dikts­son og Guð­laugur Þór Þórðar­son, sem nú sækjast báðir eftir formannssætinu í Sjálfstæðisflokknum munu mætast í Frétta­vaktinni í kvöld klukkan 18:30.

„Ég óttast ekki neitt og líður stundum eins og gömlum her­manni í þessu, maður hefur fengið skrámur og ein­staka ör og það er búið að sauma það allt saman og maður heldur á­fram og maður er reynslunni ríkari. Ég hef aldrei verið með meiri þekkingu á ís­lenskum þjóð­málum en í dag.“ segir Bjarni um báráttuna sem framundan er við Guðlaug, sem tekur í sama streng:

„Það er engin á­stæða til að óttast neitt í þessu. Ég held að stutt kosninga­bar­átta sé góð fyrir okkur í þessu. Ég finn fyrir stuðningi og stemningu og það er gaman í kosninga­bar­áttu. Ef við gerum þetta vel þá komum við sterkari á eftir.“

Bjarni Bene­dikts­son og Guð­laugur Þór Þórðar­son mætast á Frétta­vaktinni í kvöld á Hring­braut kl. 18:30. Hægt er að horfa í opinni dag­skrá og á vef Frétta­blaðsins.