Birkir kærir Þórólf til siðanefndar: „Ólíðandi að prófessor á háum launum af skattfé saki aðra opinberlega að tilefnislausu um fjársvik“

Birkir Leós­son, lög­giltur endur­skoðandi, hyggst kæra Þór­ólf Matthías­son, hag­fræði­prófessor, til siða­nefndar Há­skóla Ís­lands vegna skrifa hans um upp­á­skriftir endur­skoðenda á árs­reikninga út­gerðar­fyrir­tækja.

Þór­ólfur og Birkir hafa átt í rit­deilu á síðum Frétta­blaðsins í kjöl­far sölu á Vísi í Grinda­vík til Síldar­vinnslunnar. Þór­ólfur gagn­rýndi það í grein, 15. júlí síðast­liðinn, að endur­skoð­endur skrifuðu upp á árs­reikninga út­gerðar­fyrir­tækja sem gæfu ranga mynd af fjár­hags­stöðu þeirra vegna þess að verð­mæti afla­heimilda væru van­metin. Þess vegna væru efna­hags­reikningar þeirra skáld­skapur.

Birkir, sem meðal annars skrifaði upp á árs­reikning Vísis 2013, sem Þór­ólfur vísaði sér­stak­lega til í grein sinni, svaraði Þór­ólfi í grein sem birtist 21. júlí og sagði árs­reikninga og endur­skoðun þeirra lúta ströngum skil­yrðum á al­þjóða­vísu og þver­tók fyrir að nokkuð sé at­huga­vert við endur­skoðun árs­reikninga út­gerðar­fyrir­tækja hér á landi, ekki megi eign­færa afla­heimildir þar sem þær séu skil­greindar sem ó­efnis­legar eignir.

Þór­ólfur svaraði á ný þriðju­daginn 26. júlí og sagði endur­skoð­endur út­gerðar­fyrir­tækja hunsa 5. grein laga um árs­reikninga, sem kveður á um að gera verði grein fyrir öllum eignum sem hafi veru­lega þýðingu til að glögg mynd fáist af fjár­hags­stöðu fyrir­tækisins, jafn­vel þótt aðrar greinar kveði á um annað.

Hægt er að lesa meira hér.