83 smit greindust í gær – 22 á sjúkra­húsi

Alls greindust 83 kórónu­veiru­smit innan­lands í gær, eða lítið eitt færri en á föstu­dag þegar 87 smit greindust. Þetta má lesa úr tölum sem birtust á vef CO­VID.is nú klukkan 11. 22 ein­stak­lingur eru nú á sjúkra­húsi og þrír á gjör­gæslu.

Smitum hafði farið fækkandi um helgina en það skýrist af því að færri sýni eru tekin um helgar en virka daga. Þrjú smit greindust á landa­mærunum í gær en beðið er eftir niður­stöðu mót­efna­mælingar úr þeim öllum.

57 þeirra sem greindust í gær voru í sótt­kví en 34 voru utan sótt­kvíar. Þetta hlut­fall er svipað og hefur verið undan­farna daga. 14 daga ný­gengi innan­lands­smita á hverja 100 þúsund íbúa er nú 253,9 og heldur það á­fram að hækka.

At­hygli vekur að tíu ein­staklingar, undir eins árs, eru nú í ein­angrun vegna CO­VID-19 og fjórir ein­staklingar, 90 ára eða eldri. Aldurs­hópurinn 18 til 29 ára er lang­fjöl­mennastur en 313 ein­staklingar í þeim hópi eru í ein­angrun.

Víðir Reynis­son, yfir­lög­reglu­þjónn hjá ríkis­lög­reglu­stjóra, sagði í Bítinu í morgun að við værum enn á svipuðum stað og áður þó að fjöldi smita hafi lækkað undan­farna daga. „Við erum ekki farin að sjá toppinn á þessu enn­þá,“ sagði hann.