Þórdís Elva: „Neyddar til að leika í gamansýningum með dáið barn í maganum“ – Fær hærri bætur en 17 ára stúlkan sem var nauðgað heila helgi

Þórdís Elva: „Neyddar til að leika í gamansýningum með dáið barn í maganum“ – Fær hærri bætur en 17 ára stúlkan sem var nauðgað heila helgi

Atla Rafni Sigurðssyni voru í Héraðsdómi Reykjavíkur dæmdar 5,5 milljónir króna í bætur og eina í málskostnað eftir að honum var sagt upp í Borgarleikhúsinu. Atli var sakaður um að hafa beitt konur kynferðislegri áreitni í leikhúsinu. Atli neitaði og fór síðan í mál gegn leikhúsinu og Kristínu Eysteinsdóttur leikhússtjóra.

Þórdís Elva Þorvaldsdóttir leikkona, rithöfundur og aktívisti gagnrýnir niðurstöðuna harðlega í pistli á Facebook. Hún byrjar á því að segja frá því að hún þekki ...

„ ... leikkonur sem voru neyddar til að leika í gamansýningum með dáið barn í maganum og brostið hjarta, og hættunni á að það færi að sturtublæða í miðri sýningu, en þær fengu ekki frí til að syrgja og láta skafa út fóstrið. Ég þekki leikkonur sem hafa verið reknar úr hlutverkum sínum því þær fitnuðu, því röddin á þeim fór í taugarnar á einhverjum, eða 'af því bara'.“

Hún bætir við að hún þekki leikkonur sem voru neyddar til að leika á sviði við hlið manna sem káfuðu á kynfærum þeirra og skipti engu þó þær sögðu frá því. Einnig þekki hún leikkonur sem hafi verið vikið úr sýningum rétt fyrir frumsýningu þar sem þær ógnuðu egói leikstjórans. Þeirra réttur var enginn, að því virtist.  Þórdís Elva segir:

„Svo kemst stjórnandi að því að fjórar starfskonur eru hræddar við einn og sama leikarann, því í sjö mismunandi tilvikum hafi konum fundist mörkum sínum vera misboðið af hans hálfu, að þeirra sögn. Maðurinn er látinn fara.“

Þá bendir Þórdís Elva á að nú sé Atla dæmdar bætur en nokkur nauðgunarþoli í sögu landsins hafi fengið. Þórdís segir að lokum:

„Hærri en 17 ára stúlkan sem var haldið fanginni og nauðgað heila helgi.

Hærri en allir hópnauðgunarþolendur Íslands, líka þær sem smituðust af ólæknandi sjúkdómi við ofbeldið.

Hærri en allir sem hafa verið misnotaðir og sviptir æsku sinni. Burtséð frá sekt eða sakleysi einstakra manna er þessi heildarmynd rammskökk.“

Nýjast