Flokkur fólksins hefur lagt fram þingsályktunartillögu á Alþingi um að umsókn um inngöngu Íslands í Evrópusambandið verði formlega dregin til baka. Ísland sótti formlega um aðild að Evrópusambandinu árið 2009. Þingmennirnir Inga Sæland og Guðmundur Ingi Kristinsson, leggja fram tillöguna.
Í greinargerð sem fylgir tillögunni er sagt að ákveðin óvissa ríki um hver sé staðan sé á umsókn Íslands um formlega inngöngu inn í Evrópusambandið. Segir þar að Evrópusambandið líti svo á að Ísland hafi aldrei formlega dregið umsókn sína um aðild að sambandinu til baka.
Í tilkynningu frá Flokki fólksins kemur fram að flokkurinn vilji tryggja það að komi skýrt fram að Ísland formlega dragi umsókn sína til baka um aðild að Evrópusambandinu.