Eins og oft áður ríkir töluverð óvissa um heildarveiðar á loðnu á næstu vertíð. Útlitið er hins vegar frekar svart að þessu sinni eftir nýafstaðinn loðnuleiðangur Hafrannsóknarstofnunar. Þannig leggur stofnunin til að engar loðnuveiðar verði á næstu vertíð.
Slæmar niðurstöður úr mælingum
Mælingar á loðnustofninum fóru fram í síðasta mánuði og var magn ungloðnu víðast hvar mjög lítið. Niðurstöður leiðangursins benda til þess að árgangurinn frá 2015 sé mjög lítill. Mælingar gáfu til kynna fjölda upp á rúmlega 9 milljarða eða 88 þúsund tonn en samkvæmt aflareglu þarf fjöldinn að vera yfir 50 milljörðum svo hægt sé að mæla með upphafsaflamarki fyrir vertíðina. Lóðningar voru yfirleitt mjög gisnar og mældust einungis 137 þúsund tonn af kynþroska loðnu. Þetta er þó ekki endanleg ráðgjöf þar sem Hafrannsóknarstofnun mun rétt eins og áður mæla veiðistofn loðnu að nýju á fyrstu mánuðum næsta árs en langmest af loðnunni er veidd á fyrstu þremur mánuðum hvers árs. Næstu mælingar munu því ráða úrslitum um endanlega veiðiráðgjöf Hafrannsóknarstofnunar.
Hagvöxtur 0,7 prósentum minni
Verði engin loðnuveiði á næstu vertíð má gera ráð fyrir að hagvöxtur á næsta ári verði allt að 0,7 prósentum minni en ella. Það munar því töluverðu um þennan veiðistofn. Loðnuveiðar hafa oft sveiflað hagvexti til og frá enda stór veiðistofn og útflutningur sjávarútvegs verið ein af meginstoðum útflutnings hér á landi síðustu áratugi. Útflutningur loðnu hefur ásamt þorskstofninum og tveimur öðrum uppsjávarstofnum; síld og makríl verið sá stofn sem mest hefur sveiflað heildarútflutningsverðmæti sjávarafurða milli ára. Núna á síðustu árum hafa veiðar á loðnu sveiflast hlutfallslega mikið milli ára. Árin 2012 og 2013 voru veiðar á bilinu 451 til 582 þúsund tonn. Síðan fóru veiðar niður í 112 þúsund tonn árið 2014. Ári síðar höfðu veiðarnar rúmlega þrefaldast en voru svo rúm