Opnun Marriot hótelkeðjunnar tefst og kostnaður hækkar: „Það veldur okkur engum áhyggjum - Ég held að þetta fari allt vel”

Opnun Marriot hótelkeðjunnar tefst og kostnaður hækkar: „Það veldur okkur engum áhyggjum - Ég held að þetta fari allt vel”

Töluverðar tafir hafa orðið á framkvæmdum fimm stjörnu hótelsins Reykjavík Edition sem rekið verður af Marriot hótelkeðjunni við hlið Hörpunnar í Reykjavík.

Kostnaðurinn við byggingu hótelsins verður um 20 milljarðar en upphaflega var gert ráð fyrir 16 milljörðum króna og stóð til að opnun þess yrði á þessu ári. Henni hefur nú verið frestað til ársins 2020. Richard L. Friedman, forstjóri og aðaleigandi bandaríska fasteignaþróunarfélagsins Carpenter & Company, og einn aðalfjárfestirinn í verkefninu segist ekki hafa áhyggjur af kostnaði né því að fækkun sé á ferðamönnum hérlendis.

„Ég hef haft umsjón með næstum 30 hótelum og ekkert þeirra hefur verið tilbúið á tilsettum tíma. Þetta er mjög algengt í þessum bransa,“ segir Friedman í viðtali við RÚV.

Þá segir hann að auðvitað sé kostnaðurinn mikill en þetta er fyrsta fimm stjörnu hótelið á Íslandi.

Um fjögurhundruð manns munu koma til með að starfa á hótelinu og vonast Friedman að sem flestir Íslendingar komi til starfa. Segist hann ekki hafa neinar áhyggjur af fækkum ferðamanna:

„Það veldur okkur engum áhyggjum. Síðasta ferðamannasprengja, ef svo má segja, byggðist lauslega á Airbnb, WOW og öðru slíku. Við reiddum okkur aldrei á það. Hvert sem ég fer í Bandaríkjunum, þar sem ég er að byggja hótel um allt land, finnum við fólk sem segist vilja fara til Íslands en hefur ekki fundið rétta staðinn eða rétta hótelið. Ég held að þetta fari allt vel.”

 

Nýjast