Ásgeir Sigurvinsson í Golfi með Eyfa

Golf með Eyfa 13.08.2015

Nýr golfþáttur sjónvarpsstöðvarinnar Hringbrautar, sem er á dagskrá klukkan 20:30 á miðvikudögum, hefur leik á einhverjum tilkomumesta golfvelli landsins í fylgd einnar skærustu íþróttastjörnu landsmanna.

Það er nú varla hægt að byrja golfþátt betur en að taka hringinn á Vestmannaeyjavelli með Ásgeiri Sigurvinssyni, dáðasta knattspyrnumanna Íslendinga og raunar þeim besta svo vitnað sé til úrslita í nýlegu vali á besta knattspyrnumanni Íslandssögunnar.

Eyjólfur Kristjánsson er umsjármaður þáttarins og fær að kynnast bestu töktum Ásgeirs í golfi, en meðal annars efnis í þættinum er golfkennsla úr skóla Ragnhildar Sigurðardóttur, margfalds Íslandsmeistara í íþróttinni og einnar mestu keppniskonu í greininni frá upphafi.

Þá verður kíkt í Örninn, eina helstu golfbúð landsmanna og nýjasta nýtt fyrir kylfinga af báðum kynjum og öllum aldri skoðað, en vel að merkja; mest fer þó fyrir Vestmannaeyjavelli í þættinum, einni skærustu perlu íslenskra golfvalla.

Golf með Eyfa kl 20:30 á miðvikudögum svo sem fyrr segir en myndataka og samsetning þáttanna er í höndum Péturs Fjeldsted.

Fleiri myndbönd

Heimsókn í Öndverðarnes

17.09.2015

Golfklúbburinn GKG byggir íþróttamiðsöð

11.09.2015

Eyfi heimsækir Golfklúbbinn á Seltjarnarnesi

03.09.2015

Golf með Eyfa

27.08.2015

Kíkjum í golf í Setberginu

20.08.2015