Heilsa & Lífstíll

Fyrir jól gaf Sigursteinn Másson út bókina Geðveikt með köflum, sem fjallar um fjóra geðveika kafla í lífi hans. Í kvöld fer fram höfundarspjall í Hannesarholti með Sigursteini, þar sem hann mun lesa kaflabrot úr bók sinni, svara spurningum um efni hennar og ræða við gesti um geðheilbrigðismál í víðu samhengi.

Þrátt fyrir að stórfjárhæðir fari í iðnað tengdum megrunarkúrum erum við ekki að léttast. Það virðist sem iðnaðurinn snúist meira um peninga en að hjálpa fólki að ná betri heilsu. Hér koma ókeypis ráð til að bæta mataræðið.

Síðasti þátturinn af Hugarfari er í kvöld og verður hann með óhefðbundnu sniði. Þátturinn hefst klukkan 20:00.

Einn af hverjum þremur fær krabbamein einhvern tímann á lífsleiðinni. Rannsóknir sýna að draga megi úr líkunum með heilsusamlegum lífsháttum. Þannig er talið að hægt sé að koma í veg fyrir meira en þriðjung allra krabbameinstilfella.

Í Hugarfari í kvöld verður farið í heimsókn í litríku íbúðina hans Sölva Tryggvasonar. Hann segir okkur frá því hvaða ráðleggingar hann notaði til að ná betri heilsu og hverjar þeirra hann nýtti oftast. Einnig verður farið í heimsókn til fyrirlesarans og gleðigjafans Pálmars Ragnarssonar, en hann hefur haldið yfir 350 fyrirlestra um jákvæð samskipti.

Það var fjölmennt í þættinum Hugarfar með Helgu Maríu í gærkvöld og var þátturinn tileinkaður verðandi mæðrum.

„Alla grunar að læknar séu undir miklu álagi eins og margar starfsstéttir. Við finnum og við vitum af rannsóknum erlendis frá að streitan er að ná til okkar meira en áður. Hugmynd Læknafélagsins er að mæla líðan lækna eftir þeim aðferðum sem forvarnir bjóða upp á og í leiðinni kanna starfsaðstæður þeirra,“ segir Ólafur Þór Ævarsson geðlæknir um viðamikla könnun á líðan og starfsaðstæðum íslenskra lækna. Ólafur er gestur í 21 í kvöld.

Rannsókn á veikindum ungra barna og fjarveru foreldra frá vinnu og námi vegna þeirra stendur nú yfir á vegum Barnaspítala Hringsins með stuðningi Samtaka atvinnulífsins. Rannsóknin er viðamikil og þátttakendur nú þegar um 3000 talsins. Valtýr Stefánsson Thors barnalæknir og Eyjólfur Árni Ragnarsson, formaður SA, ræða rannsóknina og tilgang hennar í frétta- og umræðuþættinum 21 í kvöld.

Mikill meirihluti lækna telur sig vera undir of miklu álagi með tilheyrandi streitueinkennum, truflandi vanlíðan og sjúkdómseinkennum. Rúmlega helmingi lækna hefur fundist að þeir geti ekki uppfyllt kröfur eða ráðið við tímaþröng í starfi og svefntruflanir á meðal þeirra eru algengar.