Eigum við að vinna saman? er yfirskrift vinnufundar sem boðaður hefur verið í Iðnó á laugardag en þar koma saman m.a. þingmaður Pírata og þingmaður Samfylkingar.
Hópur fólks í stjórnmálum vill velta upp möguleikum til samvinnu þess sem kallað er umbótaöflin á næsta kjörtímabili á facebook-síðu viðburðarins.
\"Er grundvöllur til samvinnu ? Hver gætu næstu skref verið?
Við ætlum að hefja samtalið með opnum fundi í Iðnó næstkomandi laugardag kl. 12.30.
Öll velkomin!\" segir í opnu fundarboði.
Fundarstjóri er Magnús Orri Schram.
Málshefjendur eru:
Dagur B. Eggertsson borgarstjóri
Helgi Hrafn Gunnarsson þingmaður
Ilmur Kristjánsdóttir borgarfulltrúi
Margrét Tryggvadóttir fyrrverandi þingmaður
Rósa Björk Brynjólfsdóttir varaþingmaður
Nokkur umræða hefur orðið um kosningabandalag andstöðuflokkanna í þingi en athygli vekur að þingmenn og borgarfulltrúar ólíkra flokka skuli sitja fundinn saman.
Kosningar munu fara fram í haust til Alþingis.
