Davíð Þór Björgvinsson, fulltrúi ákæruvaldsins í endurupptöku Guðmundar- og Geirfinnsmálsins og settur ríkissaksóknari, krefst sýknu að öllu leyti í málinu, en hann skilaði greinargerð sinni vegna málsins til Hæstaréttar í dag.
Verjendur sexmenninganna, sem dæmdir voru fyrir aðild sína að málunum á áttunda áratugnum, fá nú frest til að skila sínum greinargerðum, að því er segir á mbl.is í dag. Þá fer Davíð fram á að málsvarnarlaun skipaðra verjenda greiðist úr ríkissjóði.
Sexmenningarnir eru auk Erlu Albert Klahn Skaftason, Sævar Ciesielski, Kristján Viðar Viðarsson, Tryggvi Rúnar Leifsson og Guðjón Skarphéðinsson. Þau voeeu dæmd í eins til sautján ára fangelsi í Hæstarétti árið 1980. Sævar og Tryggvi Rúnar eru látnir. Þau voru á aldrinum 20-32 ára þegar þau voru handtekin.