Guðmundur Hörður Guðmundsson, fyrrverandi formaður Landverndar býður sig fram til formanns Neytendasamtakanna.
Guðmundur segir að samtökin eigi að setja sig upp á móti hækkunum á neytendasköttum og „ofvöxtum bankakerfisins“. Hann vill líka stöðva starfsemi smálánafyrirtækja og gera Neytendasamtökin sýnilegri í umræðunni, m.a. á samfélagsmiðlum, segir í frétt Mbl.
Guðmundur Hörður sat í stjórn Neytendasamtakanna 2012-2014.
Samtökin hafa hins vegar starfað án formanns undanfarið ár.
Kosið verður þann 27. október næstkomandi.