Þorbjörn Þórðarson hefur starfað hjá Stöð 2 í tíu ár. Hann hefur nú sagt starfi sínu lausu og flytur sig yfir á lögmannsstofu þann 1. september næstkomandi. Um er að ræða nýja stofu sem opnar í haust og verður betur kynnt síðar. Þorbjörn fékk í júní málflutningsréttindi fyrir héraðsdómi. Morgunblaðið greinir frá þessu.
Þorbjörn segir að það hafi verið kominn tími á nýja áskorun og lögmennskan hafi ávalt heillað. Þá segir hann að starfslokin séu gerð í góðri sátt. Þorbjörn segir:
„Það svo sem stóð alltaf til á sínum tíma að fara þangað á endanum svo það má segja að þetta sé í raun og veru eðlilegt framhald af því að hafa fengið málflutningsréttindin.“
