Hitastig hefur lækkað um allt land síðustu daga og Íslendingar tekið fram úlpur og húfur. En það er ekki búið að aflýsa sumrinu. Þetta segir Birta Líf Kristinsdóttir veðurfræðingur í samtali við RÚV. Í svipaðan streng tekur Júlíus Baldursson, ritari hins fræga Veðurklúbbs á Dalvík.
Föstudaginn 9. Ágúst var líkt og sumarið hefði þakkað fyrir sig. Við tók rigning, frost á hálendi og vindasamt varð á Norðurlandi og Ströndum. Þá voru björgunarsveitir í viðbragðsstöðu. Júlíus segir:
„Við höfum á tilfinningunni að þetta sé ekki alveg búið, þetta verður sæmilegt haust.“ Hann bætir við: „Síðasta spá hjá okkur sagði að það yrði kalt framan af og vætusamt, en síðan jafnvel hlýna aðeins.“