Niðurstöður kosninga til stjórnar VR eru ljósar en kosið var til hádegis í dag. Atkvæði greiddu 3.345 manns en á kjörskrá voru alls 34.980. Kosningaþátttaka var því rétt tæp 10 prósent. Sjö voru kjörnir til tveggja ára og stjórnin sett saman samkvæmt fléttulista kynja. Kjarninn bendir á í frétt sinni að hópurinn sem standi að baki Ragnars Þórs Ingólfssonar, formanns VR, hafi ekki náð meirihluta. Úr þeim hópi koma þó nýjir inn í stjórnina þeir Arnþór Sigurðsson og Friðrik Boði Ólafsson.
Kosningin var rafræn og kosið var á milli 27 frambjóðenda.