Ralph Speth er forstjórinn Jaguar Land Rover sem er í eigu indverska bílarisans Tata Motors.
Hann segir að hjarta og sál fyrirtækisins sé í Bretlandi en án góðra viðskiptasamninga við ESB séu áætlanir þess um umfangsmiklar fjárfestingar í hættu. Alls starfa um fjörutíu þúsund manns hjá Jaguar Land Rover í Bretlandi.
Á föstudaginn er fyrirhugaður ríkisstjórnarfundur til að leggja lokahönd á hvítbók um úrgöngu Bretlands úr ESB, oftast nefnt Brexit. Eru ummæli forstjórans til þess fallinn að auka enn þrýsting á ríkisstjórn Íhaldsflokksins um að tryggja góð viðskiptatengsl við Evrópusambandið í kjölfar úrgöngunnar.
Að mati forstjórans gæti slæmur Brexit samningur dregið úr hagnaði fyrirtækisins um allt því 1,2 milljarða punda á ári. Það gerði það að verkum að fyrirtækið drægi mjög úr fjárfestingum í Bretlandi en þar hefur það fjárfest fyrir um 50 milljónir punda á síðustu fimm árum og til standi að fjárfesta fyrir 80 milljónir á næstu fimm.
Mikilvægt væri að tryggja stöðugleika og eyða óvissu svo fjárfestingar gætu haldið áfram.
Forsvarsmenn fyrirtækja á borð við BMW og Airbus hafa einnig lýst áhyggjum sínum vegna Brexit samkomulagsins og varað við því að slæmur samningur geti haft alvarleg áhrif. Í kjölfarið lýsti Jeremy Hunt, heilbrigðisráðherra Bretlands, því yfir slíkar viðvaranir væru algjörlega óviðeigandi.
