Skorar á Lilju í formennsku

Gunnar Bragi í viðtali í Svartfugli Sigurjóns M. Egilssonar:

Skorar á Lilju í formennsku

Meðal þess sem Gunnar Bragi Sveinsson segir, í þjóðmálaþættinum Svartfugl, sem er á dagskrá Miðjunnar og Hringbrautar klukkan 21:00 í kvöld, er að hann hafi skorað á Lilju Alfreðsdóttur til að hún bjóði sig fram til formennsku í Framsóknarflokki.

Gunnar Bragi segir núverandi stöðu flokksins vonlitla. Hann segir flokkinn nánast áhrifalausan og við það verði ekki búið.

Gunnar Bragi segir ekki koma til greina að halda áfram undir forystu Sigurðar Inga Jóhannssonar, núverandi formanns.

En vill hann ekki að Sigmundur Davíð Gunnlaugsson verði formaður á ný.

Gunnar Bragi segir að Sigmundur Davíð geti jafnvel orðið formaður einhvern tíma, en hans tími sé ekki kominn.

En Gunnar Bragi, vill hann ekki verða formaður? „Nei,“ sagði hann að bragði.

Nýjast