Hvorki Kjartani Magnússyni né Áslaugu Maríu Friðriksdóttur var boðið sæti á lista Sjálfstæðisflokksins í Reykjavík fyrir komandi borgarstjórnarkosningar, segir á vef Mbl.is. Fréttavefurinn segist hafa heimildir fyrir því að Kjartani og Áslaugu muni hafa verið hafnað af kjörnefnd flokksins.
Kjartan og Áslaug sóttust bæði eftir oddvitasætinu í leiðtogakjöri flokksins þann 27.janúar sl. Í því ljósi hafa þau eindregin vilja til að starfa enn að borgarmálunum enda reynslumikið fólk í flokknum. Þó er möguleiki á því að hvort um sig hafi viljað láta reyna með afgerandi hætti á stöðu sína innan borgarstjórnarflokksins með leiðtogaframboði og viljað allt eða ekkert í vor.
Hins vegar gagnrýndi Áslaug prófkjörsleiðina. Í ágúst sl., þegar fyrir dyrum stóð að halda leiðtogaprófkjör sagðist Áslaug í samtali við Mbl. frekar halda að sú aðgefrð myndi fæla fólk frá þátttöku og virtist ekki vongóð um árangur sinn: „Mér finnst að fólk þurfi að kynna sér þetta vel og ég held að þetta fæli frá frekar en hitt. Segjum að það fari fimm og einn verður efstur, hvað þá með hina? Þá hafa þeir allir lagt mikið undir, er sanngjarnt að það sé einhver nefnd sem ræður úrslitum um hvar þeir lenda á listanum? Mér finnst það ekki,\".
Kjartan sagði þetta í samtali við Kjarnann þegar úrslit leiðtogakjörsins voru ljós í lok janúar að hann gæti vel hugsað sér að taka sæti neðar á listanum: „Það getur vel verið að ég taki sæti á lista. Ég mun bara sjá hvernig þetta verður unnið, það er kannski svolítið snemma að ákveða þetta. Þetta er bara á forræði kjörnefndar og ég mun bara hlusta á hvað hún hefur að segja.“
Tillaga uppstillingarnefndarinnar verður lögð fram á fimmtudag.
Sjálfstæðisflokkurinn hefur fjóra af fimmtán borgarfulltrúum, hlaut 25,7prósent fylgi í síðustu borgarstjórnarkosningum með Halldór Halldórsson sem oddvita. Ný könnun frá því í lok ágúst mældi flokkinn hins vegar með rúmlega 34 prósenta atkvæði. Það var um fimm mánuðum áður en Eyþór Arnalds sigraði í leiðtogaprófkjöri flokksins svo ekki í ljóst enn hvaða áhrif oddvitastaða hans hefur á fylgi flokksins í borginni.
Marta Guðjónsdóttir, verður ein úr borgarstjórnarflokknum sem heldur sæti á listanum samkvæmt tíðindum dagsins.
Borgarstjórn samþykkti síðastliðið haust að fjölga borgarfulltrúum í 23 eða um rúmlega 50 prósent. Borgarfulltrúar Sjálfstæðisflokksins vildu þó ekki samþykkja fjölgunina en þess í stað leyfa borgarstjórn að hafa frjálsar hendur með fjölda fulltrúa. Lögum samkvæmt verða borgarfulltrúar að vera á bilinu 23 til 31 eftir næstu kosningar.